BBK-k eta Bizkaiko Foru Aldundiak Bizkaia BBK Programaren hirugarren edizioa abiatu dute, lurraldeko talentuari beste bultzada bat emateko eta, horrela, modu erabakigarrian laguntzeko profesionalak prestatzen, hainbat sektore estrategikotan jardun dezaten: big data, energia, aeronautika, hub finantzarioa eta automobilgintza.
BBK-k eta Bizkaiko Foru Aldundiak Bizkaia BBK Programa eskatzeko epea ireki dute.
XEDEA
BIZKAIA BBK Programaren xedea unibertsitateko titulua duten gazte bizkaitarrak munduan erreferente diren zentroetan prestatzea da, modu erabakigarri eta eraginkorrean lagundu dezaten Bizkaia hobea eta prestatuagoa eraikitzen etorkizunari bermez aurre egin ahal izateko, eta hori lehentasunezko sektore gisa identifikaturikoetan (Big Data, Energia, Aeronautika, Finantza Huba, Automobilgintza eta Zilarrezko Ekonomia) eraginez.
DEIALDIAREN EPEAK
Eskabideak eta dokumentazioa jasotzea: 2020ko urtarriletik 2020ko martxoak 13ra
Azken erabakia: 2020ko apirilean – maiatzean
Onuradunekin konpromisoak izenpetzea: 2020ko maiatzean – ekainean
Izangai hautagarriak berehala onartuko dira, deialdia itxi arte itxaron gabe programara atxikitako unibertsitate eta enpresekin hautaketa-prozesuari hasiera eman ahal izateko. Hobe da eskabidea ahalik eta lasterren egitea, eskabidea ebaluatzeko prozesua laburragoa izan dadin.
PRESTAKUNTZA-IBILBIDEEN DESKRIBAPENA
1. fasea: Prestakuntza espezializatua nazioartean erreferentziazko zentroetan
Hautaturiko pertsonek Graduondoko titulua lortzeko ikastaroan parte hartuko dute ardatz estrategiko bakoitzari esleituriko erreferentzia-zentroetan. Sektore horretan lider diren enpresek identifikaturiko erronkei erantzungo dieten alor espezifikoen ezagutzan sakontzera zuzenduta egongo da ikastaroa. Graduondoko prestakuntza nahitaez aurrez aurreko eta dedikazio osoko modalitatean egin behar du hautagaiak.
2. fasea: Bizkaiko enpresetan laneratzea
Aurretiazko prestakuntza-fasea amaitu ostean eta graduondoko titulua lortuta, hautagaia Bizkaiko erreferentziazko enpresa batean sartuko da, egin duen prestakuntzari dagokion lehentasun-arloan. Lan-kontratuak gutxienez 2 urtekoa izan behar du, eta enpresak goi-mailako tituludun bati eskaintzen dizkion lan-baldintzen baliokideak eman beharko dizkio, eta betiere lanaldi osokoa izango da.
