Bizkaia Talent

Prentsa-aretoa

Euskadi Estatu espainoleko lurralde lehiakorrena da

2017/06/20

ITURRIA: Ceprede 2017

  • Cepredeko txostenean, bere lidergoa Nafarroaren, Madrilen eta Kataluniaren aurretik dagoela adierazten da

Euskal esportazioen bilakaera ona izan da, %13 hazi zirelako iaz. Gainera, merkataritza-balantzea ere ona izan denez, baieztatu egiten da Euskadi lehiakorra dela nazioartean. Dena dela, azken azterketen arabera, Estatu espainoleko lurralde lehiakorrena ere bada, Cepredeko txostenean adierazten den bezala.

Iragarpen Ekonomikorako Zentroak Eskualdeko Lehiakortasunaren Adierazlea (Iscre) eman du jakitera, eta bost kategoria ebaluatzen dira bertan: faktore makroekonomikoak, lan-merkatua, enpresen garapena, azpiegiturak eta berrikuntza. Guztira, lehiakortasunaren balioespenarekin lotutako eta nazioartean aitortutako hamazortzi adierazle dira.

Euskal Autonomia Erkidegoak 2017rako emaitza handiena lortu du: 134,8 puntu, 100eko eskalan. Ondoren, 123,3 puntu lortu ditu Nafarroak.

Nabarmendu egin behar da euskal ebaluazio onenak bi faktore garrantzitsutan eman direla: berrikuntza (154,7) nahiz enpresen garapena (157,2); eta, ondoren, azpiegiturak (129,7), faktore makroekonomikoak (123,6) zein lan-arloa (108,7).

ESPORTAZIOA, GILTZARRIA

Esportazioa Euskadik lehiakortasunaren arloan daukan lidergoaren erakusgarri da. Izan ere, euskal esportazioak %5,41 hazi dira bost urtean, Deutsche Bankek Estatu espainoleko sektore esportatzaileen bilakaerari buruz egin duen txostenaren arabera.

Alemaniako bankuaren txostenean nabarmentzen denez, automobilgintza eta makinak euskal esportazioetako puntako sektoreak dira. Hala ere, automobilgintzaren zein bertako osagaien eragina bereziagoa da, euskal esportazioetako lehen postuetan daudelako (esportazio guztien %25) eta %52ko zeresana dutelako azken urteotako hazkuntzan.

 

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola Mondragon Corporation
×
×