Bizkaia Talent-ek haien jarduera kanpoko herrialdeetan garatzen duten ondo prestatutako euskal ikertzaile eta profesionalekin lotzeko zerbitzua eskaintzen die Euskadiko organizazioei. Laguntza horren helburua da sektore estrategikoen egungo eta etorkizuneko egoera bertatik bertara ezagutzea eta kanpora joandako profesionalek gure herrialdean garatutako proiektuetara itzultzea eta/edo lotzea aukeratzekotan, moldatzeko eta karrera profesionala garatzeko izango lituzketen aukerak ezagutzea.
Helburu hori lortzeko diseinatutako ekintzen artean, nabarmentzekoa da Europako hainbat hiritan antolatzen diren jardunaldiak; jardunaldi horietan, sektore jakin batzuetako euskal organizazioak haien lan profesionala Europako hiri horietan edo haietatik gertu garatzen dituzten ondo prestatutako euskal ikertzaile edo espezialistekin batzen dira. Topaketa horietan, organizazioek garatzen dituzten proiektuak eta jarduerak ezagutarazteko eta profesionalen profilak eskuratzeko aukera izaten dute, haien itzultzeko eta/edo elkrlanerako aukerak aztertzeko.
– 2018 Be Basque Talent Conference: Londres
Joan den urriaren 6an, Londresko ETC Venues St Paul’s-en, Be Basque Talent Conference topaketaren beste edizio bat egin zen. Oraingoan, Gipuzkoa Talent ekimenaren laguntza izan zuen, Euskadiko erakundeak eta egun Erresuma Batuan bizi diren goi-mailako prestakuntzadun euskal profesionalak harremanetan jartzeko, batetik, eta, profesionalok gure lurraldera itzuli nahiko balute, Euskadiko lan-merkatuko joeren eta aukeren berri izateko, bestetik. Hauxe Be Basque Talent Conferenceren 11. aldia izan da, Bizkaia Talentek lehenengoa Munichen antolatu zuenetik, 2008an.
Topaketan, 150 profesionalek hartu zuten parte, zeinak beren jarduera garatzen duten, besteak beste, automobilgintzaren, aeronautikaren, makina-erremintaren eta IT-en sektoreetan, eta 40 erakunderekin batera aritu ziren: ACICAE-Basque Automotive Cluster, ADEGI, AMPO S.Coop, BATZ S.Coop, Beaz Bizkaia, Bilbao Ekintza, CAF Group, CEBEK, Campo & Ochandiano, CIC Energigune, CIE Automotive, Cikautxo S.Coop, Danobat Group, Bizkaiko Foru Aldundia, Gipuzkoako Foru Aldundia, Egile S.L., ERREKA Group, Etxe-Tar S.A., Fagor Arrasate S.Coop, Fidenet Comunicación S.L., GAIA KLusterra, Gestamp, Gestionet, ULMA Taldea, Ibarmia, ieTeam Consultores, IK4 Research Alliance, In Group Consultoria, ITP Aero, Kirol -Kirolbet & KirolSoft- Taldea, LKS, Matrici S. Coop, Mondragon Corporation, NEM Solutions, Petronor, RETAbet Taldea, SALTO Systems, Sidenor Aceros Especiales S.L., TECNALIA Research & Innovation, UPV/EHU, Velatia, Vicomtech eta Virtualware.
