Bizkaia Talent

Prentsa-aretoa

Euskadi munduko top 12an giza garapen iraunkorraren rankingean

2020/01/27

  • Euskal herritarrak 83,6 urte bizi dira batez beste, 2010ean baino urtebete gehiago

Nazio Batuen Garapen Programako (NBGP) metodologia aplikatzen duen urteko txostenak, zeinetan 189 herrialdetako giza garapena neurtzen den, munduko garatuenen artean ezarri du Euskadi, Giza Garapenaren Indizea (GGI) 0,92koa izanik 2018an; hala, 11. eta 12. postuen artean legoke herrialdeen sailkapenean.

Euskadi gizarte aurreratuenetakoen artean nabarmentzen da, aurretik Norvegia, Suitza, Irlanda, Hong Kong, Alemania, Islandia, Australia, Suedia, Singapur, Herbehereak eta Danimarka baino ez dituelarik, eta atzetik, berriz, Finaldia, Kanada eta Zeelanda Berria, rankingean hurrengoak.

Txostenak, Euskal Estatistika Erakundeak (Eustat) ezagutzera emanak, 189 herrialde aztertzen ditu. Bakoitzari GGI bat esleitzen zaio 0 eta 1 bitarteko eskala batean, honako hauen arabera: bizi-itxaropena jaiotzean, zenbat eskolatze-urte espero diren eskola-adinean dauden umeen artean, helduen eskolatze-batezbestekoa eta biztanle bakoitzeko errenta nazional gordina.

2020-2018 epealdian, GGIren osagai horiek guztiak hobetu egin ziren Euskadin: bizi-itxaropena 83,6 urtekoa da, 82,4koa beharrean; espero diren eskolatze-urteak 18,7, 18,1 beharrean; helduen eskolatze-batezbestekoa 11,1ekoa, 10,2 beharrean; eta biztanle bakoitzeko errenta nazional gordina 47.633 dolar estatubatuar, 43.207koa beharrean.

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola Mondragon Corporation
×
×