Kabi 612 Bizkaiko enpresa berritzaileentzako inkubagailuak 9 milioi inguru fakturazioa lortu du bere lehen urtean
Eusko Jaurlaritzak eta Bizkaiko Foru Aldundiak 2014ko udazkenean abiarazitako start-up-en inkubagailu aurreratuak guztira 199 lanpostu sortu dituzten 18 enpresa jasotzen ditu bere baitan.
Lankidetza, berrikuntza eta teknologiaren bidez, ideia, proiektu, gaitasun, pertsona eta kapitalen potentziala aktibatzea da proiektu honen helburua.
Ekonomi eta Lurralde Garapena Sustatzeko foru diputatuak datu horiek eskaini ditu astearte honetan KABI 612n burutzen ari den Repsol Fundazioak, Repsol-ek eta Beaz-ek bultzatzen duten “Energia eta Ekintzailetza” deritzon II. Jardunaldiaren inaugurazio-ekitaldian.
Eusko Jaurlaritzak eta Bizkaiko Foru Aldundiak sortutako inkubagailu hau bio, mikro eta nano teknologien sektorean, teknologia garbietan eta manufaktura aurreratuen sektorean dago espezializatuta. Eraikinak % 83,87ko okupazioa zuen 2015eko apirilean, eta bioteknologiako 9 enpresa, mikroteknologiako 4, manufaktura aurreratuko 4 eta cleantech edo energia garbietako bat jasotzen zituen.
Gure herrialdean dauden enpresak sortzeko eta berrikuntzako prozesuak bultzatzea da zentro honen helburua, era horretako inkubagailu bat proiektu horiek azkartzeko tresna egokia dela konbentzituta, negozio berritzaileen aukerak, ekonomi jarduera eta enplegua sortzeko ahalmena dutenak, sortzeko eta hazteko osagai bakarrak elkarren artean lotuz..
Sustatzaileek eta star-up-ek, euren proiektuen arrakastarako euskarri legez, finkatutako enpresekiko eta berrikuntza-proiektuekiko zuzeneko solaskide bat izan dezaten ekosistema bat gauzatzea bilatzen du KABI 612k. Zeregin horretarako, bere erabiltzaileei eskaintzen dizkie bideragarritasun-planak eta prototipoak, zerbitzu zientifikoak eta aholkularitza teknikoa, eta laguntza finantzaketaren bilaketan, transferentzia teknologikoan, coaching/mentoring, zabalkunde eta networking-ean eta trebakuntza espezializatuan.
Gainera, erakunde ofizialen, enpresa-sektorearen, prestakuntza-erakundeen, LHko zentro-sarearen, hornitzaile estrategikoen, adituen, inbertsiogileen eta zientzia eta teknologiaren arloetako eragileen arteko itunak sortu eta sortzeko lan egiten du.
Eraikina
Hori guztiori lortzeko, KABI 612k 6.000 m² baino gehiago dauzka, bi solairutan banatuta. Beheko solairuan, banakako 11 moduluz gain, manufaktura aurreratuko jarduerak egiteko prestatuta dauden lantegiak eskaintzen ditu. Lehen solairuan, berriz, banakako 18 modulu eta bio, mikro eta nanoteknologiarekin zerikusia duten jarduerak egiteko prestatutako laborategiak biltzen dituen 200 m² baino gehiagoko azalera dauka.
