Bizkaia Talent

Albisteak

Nazioarteko profesionalek Bizkaiko baserri antzinakoena bisitatu dute, Mungiako Landetxo Goikoa-Izenaduba Basoa

Martxoaren 17an, goi-mailako prestakuntzadun nazioarteko hogeita hamar profesionalek eta euren familiek Landetxo Goikoa-Izenaduba Basoa bisitatu zuten (Bizkaiko baserri antzinakoena). Bertan, euskal mundu mitologikoa eta emaginen zein belar-biltzaileen, “zientziako” emakumeen, mundua ezagutzeko aukera izan zuten. Baserria bisitatu zuten, bertako ohiturak nahiz azturak ikasi zituzten eta zenbait tailerretan parte hartu zuten, baserriko bertako sendabelarren bidez xaboiak, olio esentzialak eta baltsamoak eginez.

Landetxo Goikoa XVI. mendearen hasieran eraiki zuten, eta Olentzeroren baserria izateagatik ere bada ezaguna. Euskal ikazkina pertsonaia mitologikoa da, eta Gabonetan opariak dakarzkie umeei. Informazio gehiago: http://www.izenaduba.com/landetxo-goikoa

Bisitaldiaren amaieran, gure gastronomia tradizionala dastatzeko aukera ere izan zuten inguruko ohiko jatetxe batean: taloa, bakailaoa Bizkaiko erara… Bazkarian bertan, esperientziak eta iritziak partekatu zituzten, Euskadin ia-ia hamarkada bat daramaten profesionalen eta iritsi berri diren beste batzuen ikuspegitik.

Zenbait herrialdetako profesionalak dira: Bangladesh, Txina, Ekuador, Filipinak, Frantzia, Hungaria, Italia, India, Japonia, Mexiko, Ukrainia eta Venezuela. Horrez gain, itzulitakoak ere badaude. Guzti-guztiek honako erakunde hauetan lan egiten dute: Sener, Idom, Deustuko Unibertsitatea, EHU, CIC bioGUNE, ESS Bilbao, Vodafone, BCAM eta Ikerbasque. Honelako jardueren bidez, Bizkaia Talentek harreman pertsonalak zein profesionalak sustatzen ditu, eta, aldi berean, berton gizarteratzen ere laguntzen die, beste pertsona eta erakunde batzuekin ezartzen dituzten lotuneei esker.

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola IK4 Mondragon Unibertsitatea
×
×