Ikerbasquek Research Fellows programaren deialdi berri bat ireki du 20 ikertzaile gazte kontratatzeko

• Eskabideak aurkezteko epea martxoaren 15ean bukatuko da.

Ikerbasque, Zientziarako Euskal Fundazioak, doktoratu osteko ikertzaileei zuzendutako 20 lanpostu eskaini dituen deialdia zabaldu du 2023ko urtarrilean. Lanpostu hauek Eusko Jaurlaritzak, Europako Batzordeak eta ikertzaileen harrera-zentroak finantzatzen dituzte, eta ondorioz, ezinbestekoa da zentro honen babesa adierazten duen gutuna izatea.

Bost urteko kontratu horiek etorkizun handiko zientzialari gazteei zuzenduta daude, eta ikertzaile nagusi izateko eta ikerketa independenterako aukera ematen dute.

Hautatutako pertsonek gai izan behar dute zientzia-lider bihurtzeko behar diren gaitasunak eskuratzeko. Ikerbasquek komunitate zientifikoari epe luzeko ikerketa-karrera eskaintzeko konpromisoa hartu du: Fellow-ak bosgarren urtean zehar ebaluatuak izan daitezke, etengabeko posizioa lortze aldera.

Eskatzaileek doktoretza 2012ko urtarrilaren 1etik 2020ko abenduaren 31ra bitartean egina izan beharko dute, eta emakumeen eskaerak bereziki ongietorriak dira. Hautagarritasun aldia luzatu ahal izango da egoera berezietan, hala nola amatasunean.

Deialdi honi buruzko informazio gehiago: calls.ikerbasque.net