Techstars Startup Week Bilbao Biscay Bilbon egingo da, martxoaren 4tik 8ra
2019/02/28
- Bost egunez, Bizkaiko hiriburua ekintzaileen eta startup-en etxea izango da
Datorren martxoaren 4tik aurrera, Bilboko Moyua plaza Bizkaiko berrikuntza-komunitatearen epizentroa izango da. Izan ere, bertan egingo da, bost egunez, Techstars Startup Week Bilbao Biscay, nazioarteko ekosistema ekintzaileko ekitaldi esanguratsu eta inspiratzaileenetakoa, zeina Los Angeles, New York, Sydney, Taipei, Bangkok, Mexiko Hiria eta Dublin hiriek, besteak beste, urtero egiten duten.
Techstars mundu-mailako startupen bizkortzaile handienetakoa da, egoitza Coloradon (AEB) du, munduko 150 herrialdetan dago, eta dagoeneko 300.000 ekintzaile baino gehiago sustatu ditu.
Martxoaren 4tik 8ra, beraz, 25 ekitalditik gora (aurkezpenak, konferentziak, mahai-inguruak…) egingo dira parte-hartzaileek tokiko komunitate osoa ezagutzeko, ikasteko eta ekintzaile, enpresa eta inbertitzaileekin harremanetan sartzeko. Horrez gain, tokiko, estatuko eta nazioarteko zenbait adituk beren esperientzien berri eman eta tokiko komunitatea inspiratuko dute.
Informazioa eta izen-ematea: bilbaobiscay.startupweek.co
