Bizkaia Talent

Albisteak

Bilbo munduko erreferentzia da 3Dko inprimagailuen proiektuetan #FABulous azkargailuaren bidez, eta bizkaia talent bertako kudeaketa-partzuergoko kidea da

FABulous erkidegoaren hirugarren bilera 2016ko apirilaren 5ean eta 6an izan zen Bilboko Bizkaia Aretoan, eta 3Dko inprimagailuen bidez egindako produktuetan oinarritutako 26 enpresa-ekimen berritzaile bildu ziren bertan. Bizkaia talent, hain zuzen ere, Europako proiektu hori kudeatzen duen partzuergoko kidea da.

FABulousen, 3Dko Inprimaketarako Zerbitzuetako Etorkizuneko Negozioen Internet Azkartzeko Programan, 3Dko inprimaketan oinarritutako web zerbitzu berrien garapena aurkeztu asmoz Bilbon irekitako bigarren deialdian hautatutako 26 proiektuak bildu ziren.

Aurreko fasean hautatutako 26 ETE-ek eta sustatzaileek euren proiektuak defendatu zituzten enpresa-aplikazio bihurtzeko aukerak dituzten proiektu onenak aukeratuko dituen ebaluazio-batzordearen aurrean.

Proiektuak etengabe ebaluatuko dira bideragarriak direla ziurtatzeko. Topaketan bertan, honako proiektu hauek aurkeztu ziren, besteak beste: 3Dko diseinugileak elkartzen dituzten plataformak, sukaldaritzako sormena hobetzeko sistema iraultzailea eskaintzen duen 3Dko inprimaketako elikagaia eta seinen eskuen edo oinen markak erakusten dituen 3Djewellery.

Aukeratu gaietan, honako hauexekin lotutako zenbait kontzeptu landu ziren: hodeian oinarritutako hainbat iturri, 3Dko inprimaketaren diseinua eta zerbitzuak, manufaktura eta logistika, tresnak eta zerbitzuak, 3Dko inprimaketarekin lotutako edukien kudeaketa aurreratua eta 3Dko inprimaketako aplikazio mugikorrak eta zerbitzuak.

Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola IK4 Mondragon Unibertsitatea
×
×