Bizkaia Talent

Albisteak

Nazioarteko 75 profesionalek 2019. urtea agurtu dute, Relocation & Be Basque Dual Career Centre zerbitzuak antolaturiko festan

  • Bilbao BBK Talent Home-k eta Donostiako BIZI gastronomia-guneak 28 herrialdetako profesionalak bildu dituzte

Aurten ere, Gabonak iristear daudela, Bizkaia Talentek eta Gipuzkoa Talentek Relocation & Be Basque Dual Career Centre zerbitzuaren urte-amaierako ohiko festa ospatu zuten, joan den abenduaren 12an eta 13an, nazioarteko komunitatearekin batera. Horrela, zerbitzuaren muina sendotzen jarraitzen dute: munduko txoko guztietatik Euskadira etorritako profesionalen eta beren senideen integrazio soziokulturala.

Bilbon eta Donostian bildu ziren goi-mailako prestakuntza duten 75 ikertzaile eta profesionalak, bai eta haien senideak ere, herrialde hauetatik etorriak: Albania, Alemania, Aljeria, Australia, Belgika, Brasil, Txina, Kolonbia, AEB, Egipto, Filipinak, Finlandia, Frantzia, India, Indonesia, Iran, Italia, Malaysia, Mexiko, Mongolia, Herbehereak, Polonia, Portugal, Txekiar Errepublika, Dominikar Errepublika, Errusia, Turkia, Venezuela eta Espainiako estatua. Era berean, Euskadikoak izanik bertora itzulitakoak festan izan ziren.

Urteroko tradizioari jarraikiz, gastronomia-lehiaketa egin zen ekitaldian ordezkaturik zeuden herrialdeetako plater tipikoekin, eta bertaratuek euskal kulturaren ohiturarik bitxienak ezagutu zituzten, besteak beste. Laburbilduta, profesionalek eta beren senideek ederki pasatu zuten norbere esperientziei buruz hizketan eta beste kultura batzuetako pertsonekin solasean, giro atsegin eta lagunkoian.

Aipatu beharra dago profesional horiek guztiak Euskadin garatzen ari direla beren lan-ibilbidea, erakunde hauetan, besteren artean: BC3, BCBL, BCAM, BCMaterials, Bilbao Berrikuntza Faktoria, Biogurutzeta (Ikerbasque), Biofisika, CAF, DeustoTech, EIT Food, IDOM, Ikor, Irisbond, Nem Solutions, Polymat, SENER, Tecnalia, Deustuko Unibertsitatea, EHU, Vicomtech eta Viralgen.

>> IKUSI ARGAZKI GALERIA OSOA HEMEN <<

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola IK4 Mondragon Corporation
×
×