Bizkaia Talent

Albisteak

Bizkaia Talentek eta UNESCO Etxeak beren harremana estutu dute Agenda 2030 eta Garapen Iraunkorrerako Helburuak (GIH) bere egiteko eta hedatzeko akordio bat sinatuz

  • Agenda 2030eko Garapen Iraunkorrerako Helburuak NBEko Estatu Kideek onartu dituzte.

Bizkaia Talentek eta UNESCO Etxeak lankidetza-akordio bat sinatu dute Garapen Iraunkorrerako Helburuak (GIH) bere egiteko eta hedatzeko. Joan den uztailaren 6an egin zuten, Bizkaia Talenten egoitzan, Ivan Jimenez Bizkaia Talenten zuzendari gerenteak eta Arantza Acha UNESCO Etxearen zuzendariak .

Garapen Iraunkorrerako 17 Helburuen xedea da pobrezia desagerraraztea, planeta babestea eta pertsona guztiak bakean eta oparotasunez bizi daitezen bermatzea. Elkarlana eta pragmatismoa dituzte oinarri, gizarte-berdintasun, iraunkortasun eta justizia handiagoak eraginda etorkizuneko belaunaldiek bizimodu hobea izan dezaten.

Bizkaia Talentek konpromisoa hartu du, Agenda 2030ekin eta Garapen Iraunkorrerako Helburuekin, beharrezko ekintzak egiteko haiek hedatzeko, ulertzeko eta erakundearen jardueran zein zerbitzuetan eta horiekin elkarlanean aritzen diren erakundeetan nahiz oro har publikoaren artean ezartzeko. “Akordio honekin, gure konpromisoa berretsi dugu gai garrantzitsu baino garrantzitsuagoekin, kalitatezko lanarekin, kasu, horixe baita jendarte oparo eta inklusiboa sortzeko oinarrietako bat” azpimarratu zuen Jimenezek.

Bestetik, Arantza Achak zera adierazi zuen: “Garrantzitsua da Bizkaia Talenten moduko erakundeek, mundu osoko profesionalekin eta Euskadiko mota guztietako erakundeekin harremanetan daudenek, jendarte gisa denoi eragiten digun ekimen honen sustapenarekin bat egitea”.

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola Mondragon Corporation
×
×