Bizkaia Talent

Albisteak

Enplegua % 8,7 handituko da, Euskal Herrian, 2015-2025 epealdian, Euskadiko Ekonomia eta Gizarte Arazoetarako Batzordearen gazteriaren enplegagarritasunari eta lan-merkaturako sarbideari buruzko azterketa baten arabera (EGAB)

  • Hirugarren sektorearen hazkuntzak lan-aukerak sortuko ditu datorren hamarraldian.

Europan, enpleguaren bilakaera aintzat hartuta, lehen sektoreak behera egingo du, bai eta oinarrizko manufaktura-industriek ere; hirugarren sektorea, ordea, hazi egingo da, zerbitzu komertzialak eta enpresetarako zerbitzuak, banaketa eta garraioa, eta komertzialez bestelako zerbitzuak, hain zuzen. Horrez gain, hurrengo hamarraldian sortuko diren lan-aukeretako batzuk erretiroa hartutakoek utzitako lanpostuak betetzeko izango dira azterketaren arabera. Euskal Herrian, 2015-2025 epealdian, enplegu-bolumena % 8,7 handituko da.

Lanpostuen automatizazioa

Etorkizuneko lanpostuak betetzeko, beharrezkoak izango dira bestelako trebetasunak eta ezagutzak, eta, ondorioz, zenbait lanpostu desagertu egingo dira; aldi berean, beste batzuk sortuko dira, langileei konpetentzia espezializatuak eta prestakuntzari dagokionez eskakizun zorrotzagoak eskatuko dizkietenak, eta, hortaz, prestakuntza-maila txikieneko langileak izango dira kaltetuenak. Hauek dira automatizazio-ahalmen handieneko esparru batzuk: hotelak eta sukaldaritza, manufaktura-industria, garraioa eta biltegiratzea, nekazaritza, txikizkako merkataritza eta meatzaritza. Beste aldean, hezkuntzak, kudeaketa-zerbitzuek, profesionalek eta informazioaren esparrukoek, eta osasun- eta gizarte-zerbitzuek dute automatizatzeko aukerarik gutxien.

Prestakuntza duala eta curriculum-praktikak, gakoa

Euskadiko Ekonomia eta Gizarte Arazoetarako Batzordearen aburuz, prestakuntza dual eraginkorra eta praktika zein beka duinen sistema funtsezkoak izango dira gazteek trebetasunak, ezagutzak eta lan-eskarmentua beregana ditzaten. Zentzu horretan, ezinbestekotzat jotzen da enpresek prestakuntza-planetan parte hartzea.

Bizkaia Talent-ek aipatu azterketa egiten lagundu du: batetik, proiektuko focus group-etako batean parte hartu du, eta, bestetik, haren zuzendari Ivan Jiménez azterketaren aurkezpen-ekitaldian eginiko mahai-inguruko partaideetako bat izan zen.

Ikus txosten osoa hemen

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola Mondragon Corporation
×
×
Utilizamos cookies propias, de terceros y de análisis de los hábitos de navegación para recopilar información con la finalidad de mejorar nuestros servicios. Si continúas navegando, aceptas la instalación de las mismas. Puedes configurar las cookies en tu navegador, aunque esto puede ocasionar dificultades de navegación en la web. Cómo configurar.