Bizkaia Talent

Albisteak

Bostongo Be Basque Talent Meeting-ek Massachusetts inguruko hogeita hamar profesional inguru bildu ditu

  • Euskal elkarteak bidea erakutsi die lan-ibilbidea Euskadin jarraitzeko aukerak aztertzen ari diren profesionalei

Be Basque estrategiaren baitan, eta Euskadiren eta lan-ibilbidea atzerrian egiten ari diren profesionalen arteko loturari eusteko asmoz, Bizkaia Talentek 2020. urteko lehen Be Basque Talent Meeting antolatu zuen, joan den otsailaren 23an, Bostonen.

Aurreneko saioan, Ivan Jimenez Bizkaia Talenten zuzendari kudeatzaileak Be Basque Talent Network sarean parte hartzeak dakartzan aukeren eta abantailen berri eman zuen, profesionalen lan-ibilbidea garatzeko eta harremanetan egoteko osagaia den neurrian. Jimenezek Euskadiko lan-merkatuan epe motz eta ertainera gehien eskatuko diren profilak azaldu zituen, eta euskal elkarteak profesionalei Euskadira itzultzeko prozesuan laguntzeko dituen tresnak nabarmendu zituen.

Ondoren, Graphenea, Biobide, Testualia, Osito&Co, Irisbond eta Alias Robotics euskal erakundeek beren enpresa-proiektuak aurkeztu zituzten, eta Euskadin ekintzaile izan duten esperientziaz mintzatu ziren. Erakunde horietako batzuk Bizkaia International Startup Connection programan parte hartzen ari dira egun, BEAZek Cambridge Innovation Center-en kudeatua, ekintzaileak eta tokiko startup-ak Bostongo berrikuntza-ekosistemarekin harremanetan sartzea xede.

Be Basque Talent Network
Be Basque Talent Network Euskadirekin harremana duten edo izan nahi duten goi-mailako prestakuntzadun profesionalen munduko sarerik handiena da. 100 herrialdetan baino gehiagotan ari diren 13.500 profesionalek eta Euskadiko 430 erakundek baino gehiagok osatzen dute. Bere xedea da mundu osoan zehar lanean diharduten profesionalak beste profesional eta enpresa batzuekin harremanetan jartzea, talentua mugi dadin eta kontaktuak nahiz merkataritza-erlazioak era daitezen.

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola Mondragon Corporation
×
×
Utilizamos cookies propias, de terceros y de análisis de los hábitos de navegación para recopilar información con la finalidad de mejorar nuestros servicios. Si continúas navegando, aceptas la instalación de las mismas. Puedes configurar las cookies en tu navegador, aunque esto puede ocasionar dificultades de navegación en la web. Cómo configurar.