Bizkaia Talent

Albisteak

Abian da atzerriko prestakuntza-maila handiko talentua erakartzeko Be Basque Talent Program

  • Urrian hasita, programaren lehen edizio honetan mundu osoko 22 herrialdetako 62 profesionalek hartuko dute parte.

Euskadiko lan-merkatuan, talentu prestakuntzaduna gero eta urriagoa da, eta bertako garapen ekonomikoa arriskuan dago. Izan ere, erakundeak zailtasun handiak izaten ari dira eskaintzen dituzten lanpostuak egokiro betetzeko.

Egoera honetan, Bizkaia Talentek goi-mailako prestakuntza duten profesionalak erakartzeko lanean jarraitzen du, besteak beste, eta horren emaitza pandemia hasi baino lehen ere hilabete luzez gogor lan egin ondoren abiatu berri duen azkeneko programa da: Be Basque Talent Program.

Programak atzerrian dauden eta beren lan-ibilbidean hurrengo urratsak Euskadin egitea pentsatzen ari diren pertsonei aholkularitza pertsonalizatua eskaintzea du helburu. Horretarako, pertsonen kudeaketan adituak diren bost aholkulariren laguntza izango du: Batea, ieTeam Consultores, In Group, Lourdes G. Renilla eta We Bring Strategy.

Pertsonen alorreko aholkularitza-enpresek Euskadiko lan-merkatuari buruzko lehen eskuko informazioa emango dute, gaikako hainbat web-mintegiren bidez, eta, horrez gain, parte-hartzaileak coaching bidez bideratuko dituzte eta balio-proposamen erakargarria eratzen lagunduko diete.

62 profesional eta 22 herrialde
Programaren lehen edizio honetako parte-hartzaileek esperientzia egiaztatua dute IT-, ingeniaritza-, marketin- edo finantza-alorrean, eta, egun, munduko 22 herrialde hauetako batean bizi dira: Alemania, Argentina, Austria, Kanada, Txile, Kolonbia, Kuba, Danimarka, Estatu Batuak, Frantzia, Holanda, Irlanda, Italia, Kuwait, Mexiko, Zeelanda Berria, Portugal, Erresuma Batua, Suedia, Suitza eta Venezuela, bai eta Espainiako Estatuko hainbat hiritan ere.

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola Mondragon Corporation
×
×