Bizkaia Talent

Albisteak

Abian da Talentia programaren hamargarren edizioa, Bizkaiko unibertsitate-talentua garatzen duena

  • Potentzial handieneko Bizkaiko ikasleek, Euskadiko hiru unibertsitateek hautatuak eurak, topaketa profesional, jardunaldi eta tailerretan parte hartuko dute datozen hilotan

Joan den otsailaren 20an, EHUko Ekonomia eta Enpresa fakultatean, Talentia programaren hamargarren edizioa aurkeztu zen. Guztira, 150 ikaslek hartuko dute parte, guztiak azken mailakoak eta Bizkaikoak, eta Euskadiko hiru unibertsitateek -Deustuko Unibertsitatea, EHU eta Mondragon Unibertsitatea- aukeratuak.

Ikasleei orientabidea eta etorkizun profesionala prestatzeko tresnak eskaintzea xede, Talentia programak Bizkaiko zientzia-, teknologia- eta enpresa-proiektuen berri emango die, bertatik bertara ezagut ditzaten bai herrialdeko bai Euskadiko enpresa, zientzia-teknologia eta gizarte arloetako ekosistemako pertsonaia esanguratsuak.

Datozen hilotan, ikasleek prestakuntza-tailerretan parte hartuko dute, bai eta topaketa profesional eta sektorialetan ere, itzal handi eta ibilbide luzeko hizlariekin. Era berean, nazioartekotze-jardunaldi batean eta garapen profesionaleko batean izango dira, eta Bizkaiko erakunde entzutetsuenetako batzuk bisitatuko dituzte.

1.500 ikasle Talentia sarean
Edizio honetako partaideak barne, 1.500 lagunek osatzen dute Talentia sarea, Bizkaiko talentu gaztearen komunitatea, helburu duena programetako (Talentia, Challenge eta Trebetasunak) partaideen bilgune izatea, networking-a sustatzea eta garapen profesionalean laguntzea.

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola IK4 Mondragon Corporation
×
×