Bizkaia Talent

Albisteak

Bizkaia Talentek online mintegia antolatu du atzerrian lan egin ondoren lurraldeturiko langileek Bizkaian dituzten zerga-abantailen berri emateko

  • Bizkaiko Foru Aldundiaren parte-hartzearekin, hark eskaini baitu bideokonferentzia, euskal elkarteak lurraldeturiko langileentzako zerga-araudi berezia zehatz-mehatz ezagutzeko antolatu du saioa

Bizkaia Talentek berriki antolaturiko online mintegian, 500 profesional inguruk hartu dute parte, gehienak Be Basque Talent Network sareko kide eta beren jarduera profesionala atzerrian garatzen dutenak. Maite Robredo Bizkaiko Foru Aldundiko Finantza Saileko Ikuskari eta nazioarteko zerga-sistemetan adituaren eskutik, zerga-araubide bereziak lurraldeturiko langileei eskaintzen dizkien abantailak eta eskaera egin ahal izateko bete beharreko baldintzak ezagutu dituzte.

Araubide honi esker, lurraldeturiko langileak %35era bitarteko kenkaria izan dezake Bizkaiara bizitzera etortzen denetik eta hurrengo sei urtean, baldin eta aurreko bost urteetan, gutxienez, Espainiako estatutik kanpo bizi izan bada. %15eko salbuespena lan-etekin osoei dagokie (ikerketa- eta garapen-jarduerekin, zientifiko, tekniko edo finantzarioekin zuzenean eta nagusiki loturiko prestakuntza bereziko eginkizunak betetzetik eratorritako etekinak), eta joan-etorrien ondoriozko gastu batzuk kentzeko aukera ere badago (aipatu eginkizunak betetzeagatik eskuraturiko etekin osoen %20ko mugarekin).

Robredok xehetasunez azaldu du nori aplika dakiokeen araubide berezia, zein baldintza bete behar diren eta zein abantaila eskaintzen dituen, eta, adibide ugari jartzeaz gain, entzuleei sorturiko zalantzak argitu ditu.

Aipatu beharra dago Bizkaia Talentek lurraldeturiko langileentzako zerga-araubide bereziaren gaineko galderarik ohikoenei (baldintzak, epeak, kuantifikazioa eta egiaztapena) erantzuteko informazio-gida bat duela bere sareko kideen eskura, bai eta bertan izena ematen duen goi-mailako prestakuntzadun edozein profesionalen eskura ere.

Bizkaia Talenten sareko kide izan nahi dut

Ikus informazio-gida

Talentua erakarri, eutsi eta lotzen dugu Bilbo-Bizkaiko eremuan, Euskadin

Be part of the largest highly professional Network connected to Bilbao - Bay of Biscay and the entire Basque Country

Sartu:

Profesional bat naiz Organizazio bat naiz
Gure laguntzaileak Gure laguntzaileak BBK BEAZ CICBioGune Universidad de Deusto Bizkaia.net Tecnalia Idom ITP Sener EHU Iberdrola Mondragon Corporation
×
×
Utilizamos cookies propias, de terceros y de análisis de los hábitos de navegación para recopilar información con la finalidad de mejorar nuestros servicios. Si continúas navegando, aceptas la instalación de las mismas. Puedes configurar las cookies en tu navegador, aunque esto puede ocasionar dificultades de navegación en la web. Cómo configurar.